Мајк Рид, главен оперативен директор на Embark Trucks, рече дека “секој што е вработен како возач денес ќе може да се пензионира како возач”. Она што ја прави изјавата изненадувачка е дека Embark е водечки во развојот на автономни камиони, иако некои сметаат дека целта на автономна камионска компанија е да ги исфрли возачите од процесот. Американското здружение за камиони проценува дека има околу 3,5 милиони професионални возачи на камиони во САД.

Embark не создава камиони, туку го создава софтверот базиран на Вештачка интелигенција, кој на крајот ќе им овозможи камионите да се возат самостојно. Според г-динот Рид, технологијата ќе се пробие на пазарот во следните пет години.

Моделот Embark вклучува камионџии кои возат од магацинот до автопатот. Потоа, камионите автоматски ќе го возат долгиот дел од патувањето. На крајот на долгиот дел ккој е претходно предвиден влегува возач, кој ќе го вози камионот  до неговата крајна дестинација.

Вештачката интелигенција се користи за обука на софтверот како безбедно да се движи низ автопат. Embark има ангажирано професионални возачи кои седат на воланот и активно го следат патот, го надгледуваат системот и се подготвени да ја преземат контролата секогаш кога мислат дека камионот реагира премногу бавно на претстојната ситуација. Embark ќе помине милиони “километри” тренинг на овој начин за да ја развие својата технологија.

Камионот користи неколку сензори чии податоци се “мешани”. Различните сензори се подобри во различни видови на возни услови. Некои сензори, на пример, работат подобро во текот на денот, други ноќе. “Кибер-безбедноста е бескраен предизвик”, рече г-дин Рид.

Младите возачи кои работат денес и кои сака да останат возачи во текот на кариерата, ќе можат да ја задржат својата работа од неколку причини.

1. Моделот Embark ќе продолжи да ги користи услугите на локални возачи. Додека трае “Обуката” за камиони да почнат да работат безбедно во урбаните области.
2. Почетокот ќе биде постепен и ќе се одвива околу 30 години. Засега обуката се одвива во неколку држави во југозападниот дел на САД, каде што условите за возење се многу поволни. Но, како што се додаваат повеќе држави, ќе бидат потребни повеќе професионални возачи за континуирана обука на системот. И како што се движат од југозападниот дел до другите делови на нацијата, каде што се присутни посложени услови кои можат да вклучат снег и мраз, обуката станува потешка.
3. Недостигот на возачи сеуште се чувствува. Демографијата покажува дека голем дел од возачите се блиску до возраста за пензионирање. Истражувањето на Американското транспортно истражувачко претпријатие (АТРИ) од 2014 година покажа дека просечната возраст на камионџиите изнесува 52 години, а компаниите за превоз на луѓе пријавуваат се помалку и помалку млади луѓе кои работат да станат сертифицирани возачи. Ако ништо друго, автономните камиони може да помогнат да се привлечат повеќе млади работници на терен, бидејќи нема да има потреба од возење на долги релации. Долготрајното камионување е тешка работа и работа која не е пријателска за семејството.
4. Конечно, г-дин Рид рече дека “трендовите” покажуваат дека товарот ќе се зголеми за околу 30 отсто во текот на деценијата. Истражувањето на АТРИ ја проектираше потребата за ангажирање на 100.000 нови возачи годишно за да се справи со соодносот на пензионираните возачи и порастот на товарот.

Според г-дин Рид, не е точно дека роботите ќе ги елиминираат работниците, барем не во камионската индустрија.